- ఫ్రెంచ్‌ ఓపెన్‌ గ్రాండ్‌స్లామ్‌
పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ టోర్నీ మూడోరౌండ్‌లోకి టాప్‌సీడ్‌, సెర్బియాకు చెందిన నొవాక్‌ జకోవిచ్‌ ప్రవేశించాడు. బుధవారం జరిగిన రెండోరౌండ్‌ పోటీలో జకోవిచ్‌ 6-2, 6-3, 6-3తో స్లొవేకియాకు చెందిన మోల్కన్‌పై విజయం సాధించాడు. ఇతర పోటీల్లో 9వ సీడ్‌ అగర్‌(కెనడా) 6-0, 6-3, 7-6(7-4)తో కరబెల్లి(అర్జెంటీనా)పై, 21వ సీడ్‌ ఖచనోవ్‌ 4-6, 6-4, 7-6(7-1), 6-3తో డెలియాన్‌(బొలివియా)పై విజయం సాధించి మూడోరౌండ్‌లోకి ప్రవేశించారు. ఇతర పోటీల్లో 13వ సీడ్‌ ఫ్రిట్జ్‌(అమెరికా), 16వ సీడ్‌ కర్రెన్నో(స్పెయిన్‌) రెండోరౌండ్‌లోనే ఇంటిముఖం పట్టారు. మరో పోటీలో 3వ సీడ్‌, జర్మనీకి చెందిన జ్వెరేవ్‌ ఐదుసెట్ల హౌరాహౌరీ పోరులో నెగ్గి ఊపిరి పీల్చుకున్నాడు. రెండోరౌండ్‌ పోటీలో జ్వెరేవ్‌ 2-6, 4-6, 6-1, 6-2, 7-5తో అన్‌సీడెడ్‌ బీజ్‌(అర్జెంటీనా)పై చెమటోడ్చి నెగ్గాడు.
