- జూన్‌ 4, 5న రాష్ట్ర స్థాయి పోటీలు
హైదరాబాద్ : తెలంగాణ రాష్ట్ర స్థాయి ఫెన్సింగ్‌ చాంపియన్‌షిప్స్‌లో పాల్గొనే హైదరాబాద్ జిల్లా జట్లను ఆదివారం ఎంపిక చేశారు. ఎల్బీ స్టేడియంలోని యోగా హాల్‌లో జరిగిన సెలక్షన్‌ ట్రయల్స్‌కు 42 మంది ఫెన్సర్లు హాజరయ్యారు. బాలురు, బాలికల వ్యక్తిగత విభాగాల్లో (అండర్‌-20) ఫాయిల్‌, ఎప్పీ, సబ్రీ కేటగిరీల్లో క్రీడాకారులను ఎంపిక చేశారు. ఎంపికైన ఫెన్సర్లు జూన్‌ 4, 5న ఎంఎల్‌ఆర్‌ఐటి దుండిగల్‌ క్యాంపస్‌లో జరిగే రాష్ట్ర స్థాయి పోటీల్లో హైదరాబాద్‌కు ప్రాతినిథ్యం వహించారు. సెలక్షన్‌ ట్రయల్స్‌కు తెలంగాణ ఒలింపిక్‌ సంఘం కార్యదర్శి జగదీశ్‌ యాదవ్‌, హైదరాబాద్ ఫెన్సింగ్‌ సంఘం అధ్యక్ష, కార్యదర్శులు పురుషోత్తం, సందీప్‌ కుమార్‌ జాదవ్‌లు హాజరయ్యారు.
మీ స్నేహితులకు రికమెండ్ చెయ్యండి
