- సిట్సిపాస్‌, హుర్క్‌రాజ్‌ ఔట్‌..
- ఫ్రెంచ్‌ ఓపెన్‌ క్వార్టర్‌ఫైనల్స్‌
పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ పురుషుల సింగిల్స్‌లో హై ఓల్టేజ్‌ మ్యాచ్‌ మంగళవారం జరగనుంది. అత్యధిక గ్రాండ్‌స్లామ్‌ టైటిళ్లు నెగ్గిన, 5వ సీడ్‌ రఫెల్‌ నాదల్‌, సెర్బియాకు చెందిన టాప్‌సీడ్‌ నొవాక్‌ జకోవిచ్‌ల మధ్య ఈ మ్యాచ్‌ జరగనుంది. వీరిద్దరూ టైటిల్‌ ఫేవరెట్స్‌ కావడంతో ఈ మ్యాచ్‌కు ప్రాధాన్యత సంతరించుకుంది. ఆదివారం రాత్రి జరిగిన ప్రి క్వార్టర్స్‌లో రఫెల్‌ నాదల్‌ ఐదుసెట్ల హోరాహోరీ పోరులో 9వ సీడ్‌ అగర్‌(కెనడా)ను ఓడించి క్వార్టర్‌ఫైనల్లోకి ప్రవేశించాడు. ప్రి క్వార్టర్స్‌లో నాదల్‌ 3-6, 6-3, 6-2, 3-6, 6-3తో అగర్‌ను ఓడించాడు. సోమవారం జరిగిన ఇతర ప్రి క్వార్టర్స్‌ పోటీలో 4వ సీడ్‌ సిట్సిపాస్‌(గ్రీక్‌) 5-7, 6-3, 3-6, 4-6తో అన్‌సీడెడ్‌ రూనే(డెన్మార్క్‌) చేతిలో ఓడాడు. మరో పోటీలో 8వ సీడ్‌, బ్రిటన్‌కు చెందిన రూఢ్‌ 6-2, 6-3, 3-6, 6-3తో 12వ సీడ్‌ హుర్క్‌రాజ్‌(పోలండ్‌)ను ఓడించి క్వార్టర్‌ఫైనల్లోకి ప్రవేశించాడు. ఇక 6వ సీడ్‌, స్పెయిన్‌ యువ కెరటం అల్కరాజ్‌ 6-1, 6-4, 6-4తో 21వ సీడ్‌ ఖచనోవ్‌(రష్యా)ను ఓడించాడు.
మహిళల సింగిల్స్‌లో పెగులా (అమెరికా), కసట్క్సికా(రష్యా) క్వార్టర్‌ఫైనల్లోకి ప్రవేశించారు. సోమవారం జరిగిన ప్రి క్వార్టర్స్‌ పోటీల్లో పెగులా 4-6, 6-2, 6-4తో బెగూ(రొమేనియా)ను, 20వ సీడ్‌ కసట్క్సినా(రష్యా) 6-2, 6-2తో గ్లోర్జీ(ఇటలీ)ని చిత్తుచేసారు. మరో పోటీలో కుడెర్మెలోవా(రష్యా) 1-6, 6-3, 6-1తో 22వ కీస్‌(అమెరికా)పై నెగ్గి క్వార్టర్‌ఫైనల్లోకి ప్రవేశించింది.
క్వార్టర్‌ఫైనల్స్‌(సింగిల్స్‌)...
పురుషులు...
సిలిక్‌(20) × మెద్వదెవ్‌(2)
రూఢ్‌(8) × రూనే
జ్వెరేవ్‌(3) × అల్కరాజ్‌(6)
జకోవిచ్‌(1) × నాదల్‌(5)
మహిళలు..
పెగులా(11) × స్వైటెక్‌(1)
కుడెర్మటోవా × కసట్క్సినా
ట్రెవిసాటి × ఫెర్నాండెజ్‌(17)
కోకా గాఫ్‌(18) × స్టెఫెన్స్‌
