- ఢిల్లీకి చేరుకున్న దక్షిణాఫ్రికా జట్టు
న్యూఢిల్లీ : టీమ్‌ ఇండియాతో ఐదు టీ20ల ద్వైపాక్షిక సిరీస్‌ కోసం దక్షిణాఫ్రికా జట్టు గురువారం ఉదయం భారత్‌కు చేరుకుంది. ఐదు మ్యాచుల టీ20 సిరీస్‌ జూన్‌ 9న అరుణ్‌ జైట్లీ స్టేడియం (ఫిరోజ్‌ షా కోట్ల)లో తొలి మ్యాచ్‌తో ఆరంభం కానుంది. తెంబ బవుమా సారథ్యంలోని దక్షిణాఫ్రికా జట్టు ఢిల్లీ విమానాశ్రయం నుంచి నేరుగా హోటల్‌కు చేరుకుంది. నేటి నుంచి సఫారీలు ప్రాక్టీస్‌ సెషన్‌ మొదలు పెట్టనున్నారు. దక్షిణాఫ్రికా క్రికెటర్లకు కోవిడ్‌-19 ఆర్‌టీ పీసీఆర్‌ పరీక్షలు నిత్యం నిర్వహించనున్నారు. ఈ ఏడాది జనవరిలో టీ20 సిరీస్‌ కోసం దక్షిణాఫ్రికా పర్యటనకు వెళ్లిన టీమ్‌ ఇండియా అక్కడ వైట్‌వాష్‌ ఓటమిని మూటగట్టుకుంది. భారత్‌, దక్షిణాఫ్రికాలు 15 టీ20ల్లో ముఖాముఖి తలపడగా 9 సార్లు భారత్‌ విజయం సాధించింది. దక్షిణాఫ్రికా ఆరు మ్యాచుల్లో విజేతగా నిలిచింది. కెప్టెన్‌ రోహిత్‌ శర్మ సహా విరాట్‌ కోహ్లి, జశ్‌ప్రీత్‌ బుమ్రాలకు విశ్రాంతి లభించగా కెఎల్‌ రాహుల్‌ భారత జట్టుకు సారథ్యం వహించనున్నాడు.