- రెండో స్థానంలో ఆనంద్‌, టాప్‌లోకి కార్ల్‌సన్‌
ఓస్లో: నార్వే చెస్‌ టోర్నమెంట్‌ ఆరోరౌండ్‌ గేమ్‌ను విశ్వనాథన్‌ ఆనంద్‌ డ్రాగా ముగించాడు. మంగళవారం ఆనంద్‌ గిరితో తలపడిన ఆనంద్‌.. క్లాసికల్‌ విభాగం పోటీని డ్రా చేసుకున్నాడు. ఆ తర్వాత ఆర్మజెడ్డాన్‌ పోటీని 45ఎత్తుల తర్వాత డ్రాగా చేసుకోవడంతో ఆనంద్‌ ఖాతాలో 11.5పాయింట్లు ఉన్నాయి. క్లాసికల్‌ విభాగంలో ఆనంద్‌-గిరి 35 ఎత్తుల అనంతరం డ్రాకు అంగీకరించారు. ఇక ఆర్మజెడాన్‌(గ్రూప్‌-ఆఫ్‌ టైబ్రేక్‌) విభాగం పోటీలోనూ 45 ఎత్తుల అనంతరం డ్రాగా అంగీకరించడంతో ఇరువురికి సమంగా పాయింట్లు ఇచ్చారు. నిబంధనల ప్రకారం గ్రూప్‌-ఆఫ్‌ డెత్‌లో ఇరువురు గ్రాండ్‌మాస్టర్లు ఫలితం తేలేవరకు మ్యాచ్‌ను ఆడుకోవచ్చు. దీంతో ఆనంద్‌ రెండోస్థానంలో నిలువగా.. ప్రపంచ ఛాంపియన్‌, టాప్‌సీడ్‌ మాగస్‌ కార్ల్‌సన్‌ అగ్రస్థానంలో నిలిచాడు. నేడు జరిగిన ఆరోరౌండ్‌ పోటీలో కార్ల్‌సన్‌ అజర్‌బైజాన్‌కు చెందిన షక్రియార్‌ను ఓడించి 12.5పాయింట్లతో టాప్‌లో నిలిచాడు. ఐదోరౌండ్‌ పోటీలో ఆనంద్‌ టాప్‌సీడ్‌ కార్ల్‌సన్‌ను ఓడించిన సంగతి తెలిసిందే.