- ఎఎఫ్‌సి ఆసియాకప్‌ ఫైనల్‌కు భారత్‌ అర్హత
కోల్‌కతా: 2023 ఎఎఫ్‌సి ఆసియాకప్‌ ఫైనల్‌కు భారత్‌ అర్హత సాధించింది. మంగళవారం రాత్రి గ్రూప్‌-డి ఆఖరి రౌండ్‌ మ్యాచ్‌లో భారత్‌ ఘన విజయం సాధించింది. చివరి లీగ్‌ మ్యాచ్‌లో భారత్‌ 4-0గోల్స్‌ తేడాతో హాం కాంగ్‌ను ఓడించింది. భారత్‌ తరఫున అన్వర్‌ అలీ(1వ ని.), సునీల్‌ ఛెత్రీ(45వ ని.)లో ఒక్కో గోల్‌ కొట్టారు. రెండో అర్ధభాగంలో మన్వీర్‌ సింగ్‌(85వ ని.), పండిత(90+3వ ని.)లో ఒక్కో గోల్‌ కొట్టారు. గ్రూప్‌-డిలో భారత్‌ వరుసగా మూడు విజయాలతో టాప్‌లో నిలిచింది. దీంతో ఆసియాకప్‌ మెయిన్‌ రౌండ్‌కు వరుసగా రెండోసారి భారత్‌ అర్హత సాధించింది. అలాగే 29ఏళ్ల తర్వాత హాం కాంగ్‌పై భారత్‌ విజయం సాధించింది. ఇక గ్రూప్‌-డిలో హాంకాంగ్‌ జట్టు 6పా యింట్లతో రెండోస్థానంలో నిలిచింది. ప్రతి గ్రూప్‌లో రెండేసి జట్లు ఎఎఫ్‌సి ఆస ియాకప్‌ ప్రధాన రౌండ్‌కు అర్హత సాధించనున్నాయి. ఇదే గ్రూప్‌లో ఉన్న ఆఫ్ఘనిస్తాన్‌- కంబోడియా జట్ల మధ్య జరిగిన చివరి లీగ్‌ మ్యాచ్‌ 2-2తో డ్రా అయ్యింది.