- ఇండోనేషియా ఓపెన్‌
జకార్తా: ఇండోనేషియా ఓపెన్‌లో ప్రణయ్‌ రారు సంచలనం నమోదు చేశాడు. గురువారం జరిగిన రెండోరౌండ్‌ పోటీలో ప్రణరు 21-11, 21-18తో హాంకాంగ్‌కు చెందిన 12వ ర్యాంకర్‌, లాంగ్‌ అంగస్‌ను వరుససెట్లలో ఓడించాడు. 29 ఏండ్ల కేరళకు చెందిన ప్రణరు.. ఈ మ్యాచ్‌ను 41 నిమిషాల్లో ముగించాడు. ప్రణరు.. లాంగ్‌ అంగస్‌పై గెలుపొందడం వరుసగా ఇది నాల్గోసారి. క్వార్టర్స్‌లో ప్రణరు జెంకే(డెన్మార్క్‌)-లెవెర్‌డెజ్‌(ఫ్రాన్స్‌) మ్యాచ్‌ విజేతతో తలపడనున్నాడు. మరో సింగిల్స్‌ పోటీలో సమీర్‌ వర్మ పరాజయాన్ని చవిచూసాడు. రెండోరౌండ్‌ పోటీలో సమీర్‌ 10-21, 13-21తో 6వ సీడ్‌ లీ(మలేషియా) చేతిలో ఓటమిపాలయ్యాడు. లీ చేతిలో సమీర్‌ ఓటమిపాలవ్వడం ఇది వరుసగా ఐదోసారి. ఈ మ్యాచ్‌ కేవలం 43నిమిషాల్లోనే ముగిసింది. ఇక పురుషుల డబుల్స్‌లో ఎంఆర్‌ అర్జున్‌-ధృవ్‌ కపిల జోడీ 19-21, 15-21తో చైనాకు చెందిన లీ-యు-చెన్‌, వురు-కుయాన్‌ చేతిలో ఓడారు. మహిళల డబుల్స్‌లో రెండోరౌండ్‌కు చేరి ఆశలు రేపిన సిక్కిరెడ్డి-అశ్విని పొన్నప్ప జోడీ 16-21, 13-21తో టాప్‌సీడ్‌ చెన్‌-జియా(చైనా) జోడీ చేతిలో వరుససెట్లలో ఓడారు.