- మరో స్టార్‌ క్రికెటర్‌కు కరోనా
లండన్‌ : ఇంగ్లండ్‌ పర్యటనలో ఉన్న న్యూజిలాండ్‌ జట్టులో కరోనా కల్లోలం సష్టిస్తుంది. ఇప్పటికే వరుసగా రెండు టెస్ట్‌ల్లో ఓడి 3 మ్యాచ్‌ల సిరీస్‌ను 0-2 తేడాతో చేజార్చుకున్న ఆ జట్టుకు కరోనా మహమ్మారి కంటి మీద కునుకు లేకుండా చేస్తున్నది. రెండో టెస్ట్‌ ముగిసిన వెంటనే జరిపిన పరీక్షల్లో ఆ జట్టు స్టార్‌ ఆల్‌రౌండర్‌ మైకేల్‌ బ్రేస్‌వెల్‌కు కరోనా పాజిటివ్‌గా నిర్ధారణ కాగా, గురువారం జరిపిన ఆర్టీపీసీఆర్‌ పరీక్షల్లో స్టార్‌ బ్యాటర్‌ డెవాన్‌ కాన్వే కరోనా బారినపడ్డారు. దీంతో కివీస్‌ మేనేజ్‌మెంట్‌ జట్టు సభ్యులందరికీ మరోసారి కోవిడ్‌ పరీక్షలు నిర్వహించేందుకు నమూనాలు సేకరించారు. కాన్వేను ఐదు రోజుల పాటు ఐసోలేషన్‌కు తరలించింది. కాన్వేకు కోవిడ్‌ పాజిటివ్‌గా నిర్ధారణ కావడంతో న్యూజిలాండ్‌ బృందంలో కరోనా బారినపడిన వారి సంఖ్య ఐదుకు చేరింది.
మీ స్నేహితులకు రికమెండ్ చెయ్యండి
