-సైనా పరాజయం
- మలేషియా ఓపెన్‌
కౌలాలంపూర్‌ : భారత స్టార్‌ షట్టర్లు మిశ్రమ ఫలితాలు చవిచూశారు. పి.వి సింధు తొలి రౌండ్లో అలవోక విజయం సాధించగా, సైనా నెహ్వాల్‌ తొలి రౌండ్లోనే నిష్క్రమించింది. మలేషియా ఓపెన్‌ మహిళల సింగిల్స్‌లో పొర్నపవీ చొచువాంగ్‌ (థారులాండ్‌)పై సింధు వరుస గేముల్లో గెలుపొందింది. 21-13, 21-17తో సింధు దూకుడుగా ఆడింది. సైనా నెహ్వాల్‌ 11-21, 17-21తో 37 నిమిషాల్లోనే అమెరికా షట్లర్‌ ఐరిస్‌ వాంగ్‌ చేతిలో కంగుతింది. మెన్స్‌ సింగిల్స్‌లో పారుపల్లి కశ్యప్‌ 21-12, 21-17తో శుభారంభం చేశాడు. దక్షిణ కొరియా ఆటగాడు హీయో క్వాంగ్‌ హీ పై వరుస గేముల్లో విజయం సాధించాడు. మిక్స్‌డ్‌ డబుల్స్‌లో అశ్విని పొన్నప్ప, సుమీత్‌ రెడ్డి జంట నిరాశపరిచింది. 15-21, 21-19, 17-21తో మూడు గేముల మ్యాచ్‌లో నెదర్లాండ్‌ జోడీ చేతిలో ఓటమిపాలైంది. నేడు రెండో రౌండ్‌ పోరులో థారులాండ్‌ షట్లర్‌ చైవాన్‌తో సింధు తలపడనుంది.