- సత్తా చాటిన లోకేశ్‌, షేక్‌ నజియ
హైదరాబాద్ : జాతీయ జూనియర్‌ ఫెన్సింగ్‌ చాంపియన్‌షిప్స్‌లోనూ తెలంగాణ ఫెన్సర్లు సత్తా చాటారు. కటక్‌ వేదికగా జరుగుతున్న జాతీయ ఈవెంట్‌లో రికార్డు పతకాలు సొంతం చేసుకున్న తెలంగాణ ఫెన్సర్లు తాజాగా కామన్‌వెల్త్‌ క్రీడలకు సైతం ఎంపికయ్యారు. బాలురు అండర్‌-17 క్యాడెట్‌ ఈపీ విభాగంలో వి. లోకేశ్‌ పసిడి పతకం సాధించాడు. బాలికల అండర్‌-17 క్యాడెట్‌ ఈపీ విభాగంలోషేక్‌ నజియా సిల్వర్‌ మెడల్‌తో మెరిసింది. అత్యుత్తమ ప్రదర్శన కనబర్చిన లోకేశ్‌, నజియాలు లండన్‌లో జరుగనున్న అండర్‌-17 కామన్‌వెల్త్‌ చాంపియన్‌షిప్స్‌కు అర్హత సాధించారు. కామన్‌వెల్త్‌ పోటీలకు ఎంపికైన లోకేశ్‌, షేక్‌ నజియాలను తెలంగాణ రాష్ట్ర ఫెన్సింగ్‌ సంఘం అధ్యక్షుడు మర్రి రాజశేఖర్‌ రెడ్డి, కోశాధికారి ఎల్‌. సందీప్‌ కుమార్‌ జాదవ్‌లు అభినందించారు.
మీ స్నేహితులకు రికమెండ్ చెయ్యండి
