- మలేషియా మాస్టర్స్‌ ఓపెన్‌
కౌలాలంపూర్‌ : స్టార్‌ షట్లర్‌ హెచ్‌.ఎస్‌ ప్రణరు మలేషియా మాస్టర్స్‌ ఓపెన్‌ సెమీఫైనల్లోకి దూసుకెళ్లాడు. గురువారం జరిగిన పురుషుల సింగిల్స్‌ క్వార్టర్‌ఫైనల్లో జపాన్‌ షట్లర్‌పై వరుస గేముల్లో గెలుపొందిన ప్రణరు.. భీకర ఫామ్‌ కొనసాగించాడు. కెంటా సునేమియాపై 25-23, 22-20తో గంటకు పైగా సాగిన పోరులో పైచేయి సాధించాడు. టైబ్రేకర్లకు దారితీసిన రెండు గేముల్లోనూ ప్రణరు గొప్పగా రాణించాడు. ఒత్తిడిలో జపాన్‌ షట్లర్‌ను చిత్తు చేసి సెమీస్‌ బెర్త్‌ సొంతం చేసుకున్నాడు. నేడు సెమీస్‌లో హాంగ్‌కాంగ్‌ ఆటగాడు లాంగ్‌ ఆగస్‌తో ప్రణరు తలపడనున్నాడు. మహిళల సింగిల్స్‌లో పి.వి సింధుకు చుక్కెదురైంది. క్వార్టర్స్‌లో వరల్డ్‌ నం.2 తైజు యింగ్‌ (చైనీస్‌ తైపీ) చేతిలో 13-21, 21-12, 12-21తో మూడు గేముల పోరులో పరాజయం పాలైంది. గత వారం మలేషియా ఓపెన్‌ క్వార్టర్స్‌లో సైతం తైజు యింగ్‌ చేతిలో కంగుతిన్న తెలుగు తేజం.. తాజాగా ఇక్కడా ఆమె చేతిలోనే ఓటమిపాలై టోర్నీ నుంచి నిష్క్రమించింది.