- మహిళల జట్టుకు రజతం
- ఐఎస్‌ఎస్‌ఎఫ్‌ ప్రపంచకప్‌ షూటింగ్‌
ఛాంగ్వాన్‌(కొరియా): ఐఎస్‌ఎస్‌ఎఫ్‌ ప్రపంచకప్‌ షూటింగ్‌లో భారత్‌కు మరో రెండు పతకాలు దక్కాయి. పురుషుల 10మీ. ఎయిర్ రైఫిల్‌ టీమ్‌ విభాగంలో స్వర్ణం పతకం లభించగా.. మహిళల బృందం ఫైనల్లో ఓడి రజత పతకానికే పరిమితమైంది. గురువారం జరిగిన 10మీ. ఎయిర్ రైఫిల్‌లో అర్జున్ బబుత, తుషార్‌ మానే, పార్థ్‌ మఖిజాలతో కూడిన పురుషుల జట్టు బంగారు పతక ఉత్కంఠ పోటీలో 17-15పాయింట్ల తేడాతో కొరియాకు చెందిన షెంఘో, సంజాడో కిమ్‌, హజున్‌ పార్క్‌లపై విజయం సాధించారు. ఇక మహిళల 10మీ. ఎయిర్ రైఫిల్‌ టీమ్‌ విభాగంలో ఇలవేనిల్‌, మెహులీ ఘోష్‌, రమిత హడ్‌ బృందం 10-16పాయింట్ల తేడాతో కొరియాకే చెందిన జియోన్‌, లీ, డయాంగ్‌ల చేతిలో ఓడారు. దీంతో భారత్‌ ఖాతాలో 8 పతకాలు జమ అయ్యాయి. ఇందులో 3స్వర్ణ, 4రజత, ఒక కాంస్య పతకం ఉన్నాయి. ఇక భారత్‌ పతకాల పట్టికలో అగ్రస్థానానికి ఎగబాకింది.
