హైదరాబాద్‌ : జాతీయ చైల్డ్‌, మినీ ఫెన్సింగ్‌ చాంపియన్‌షిప్స్‌లో పాల్గొనే రాష్ట్ర స్థాయి జట్లను ఎంపిక చేసేందుకు ఈ నెల 31న ఎంపిక ట్రయల్స్‌ నిర్వహించనున్నారు. ఆగస్టు 5-7న నాసిక్‌ వేదికగా జాతీయ పోటీలు జరుగనున్నాయి. చైల్డ్‌ విభాగంలో అండర్‌-10, మినీ విభాగంలో అండర్‌-12 ఫెన్సర్లు ట్రయల్స్‌కు హాజరు కావచ్చు. మినీ విభాగంలో జనవరి1, 2011... చైల్డ్‌ విభాగంలో జనవరి 1, 2013 అనంతరం జన్మించిన వారు ట్రయల్స్‌లో పోటీపడేందుకు అర్హులు. సంబంధిత దృవపత్రాలు, వ్యక్తిగత కిట్‌తో జులై 31న దుండిగల్‌లోని ఎంఎల్‌ఆర్‌ఐటీ క్యాంపస్‌లో జరిగే ట్రయల్స్‌కు హాజరు కావాల్సిందిగా రాష్ట్ర ఫెన్సింగ్‌ సంఘం అధ్యక్షుడు మర్రి రాజశేఖర్‌ రెడ్డి, కోశాధికారి సందీప్‌ కుమార్‌ జాదవ్‌ తెలిపారు.