- లవ్లీనా బొర్గహైన్‌ మెరుపు పంచ్‌
బర్మింగ్‌హామ్‌ : ప్రపంచ బాక్సింగ్‌ చాంపియన్‌, భారత స్టార్‌ బాక్సర్‌ నిఖత్‌ జరీన్‌ కామన్‌వెల్త్‌లో పంచ్‌ల వర్షం కురిపిస్తోంది. మహిళల 50 కేజీల విభాగంలో తెలంగాణ సూపర్‌స్టార్‌ క్వార్టర్‌ఫైనల్లోకి దూసుకెళ్లింది. మరోవైపు పసిడి రేసులో భారీ అంచనాలున్న స్టార్‌ బాక్సర్‌ శివ థాప 1-4తో వరల్డ్‌ చాంపియన్‌షిప్స్‌ కాంస్య పతక విజేత చేతిలో ఓటమిపాలై రేసు నుంచి నిష్క్రమించాడు. మెన్స్‌ 63.5 కేజీల విభాగంలో శివ థాప పరాజయం పాలయ్యాడు. ఇక, తెలంగాణ తేజం నిఖత్‌ జరీన్‌ ప్రీ క్వార్టర్స్‌లో ప్రత్యర్థిని నాకౌట్‌ చేసింది. మొజాంబిక్‌ బాక్సర్‌ హెలెనా ఇస్మాయిల్‌ బాగావోపై నిఖత్‌ అదిరే విజయం నమోదు చేసి క్వార్టర్స్‌లో కాలుమోపింది. ఒలింపిక్‌ పతక విజేత లవ్లీనా బొర్గొహైన్‌ సైతం క్వార్టర్స్‌కు చేరుకుంది. మహిళల 70 కేజీల విభాగంలో న్యూజిలాండ్‌ బాక్సర్‌ అరినె నికోల్సన్‌పై 5-0తో ఏకపక్ష విజయం నమోదు చేసింది.