- ఇటలీ చేతిలో అనూహ్య ఓటమి
- 44వ చెస్‌ ఒలింపియాడ
చెన్నై: 44వ చెస్‌ ఒలింపియాడ్‌లో 3వ సీడ్‌ నార్వేజట్టుకు షాక్‌ తగిలింది. ఇటలీ చేతిలో నార్వే జట్టు 1-3తేడాతో అనూహ్య పరాజయాన్ని చవిచూసింది. సోమవారం జరిగిన ఇతర పోటీల్లో నెదర్లాండ్స్‌ జట్టు 4-0తో స్వీడన్‌పై, భారత్‌ 4-0తో స్విట్జర్లాండ్‌పై విజయాలను నమోదు చేసుకున్నాయి. ఇక భారత్‌, అమెరికా, స్పెయిన్‌, పోలండ్‌, అజర్‌బైజాన్‌తోపాటు 20జట్లు వరుసగా ఆరు మ్యాచుల్లో విజయాలను నమోదు చేసుకొని అగ్రస్థానంలో కొనసాగుతున్నాయి. ఇక పోలండ్‌ గ్రాండ్‌హాస్టర్‌ రడిస్లోవ్‌ ఆస్ట్రేలియాకు చెందిన కైబకొరావ్‌పై విజయం సాధించాడు. ఇక మహిళల విభాగంలో 19జట్లు వరుసగా ఆరు మ్యాచుల్లో విజయాలను నమోదు చేసుకొన్నాయి. ఇందులో భారత్‌, ఉక్రెయిన్‌, జార్జియా, పోలండ్‌, ఫ్రాన్స్‌, అజర్‌బైజాన్‌ జట్లు ఉన్నాయి. ఇక 28వ సీడ్‌ మంగోలియా జట్టు 3-1పాయింట్ల తేడాతో అమెరికాను చిత్తుచేయడం విశేషం. మంగోలియాకు చెందిన తుర్ముంఖ్‌ ముంఖ్జుల్‌ అమెరికాకు చెందిన కారిస్సా యిప్‌పై విజయం సాధించింది.