హైదరాబాద్‌ : ఏకాగ్ర చెస్‌ అకాడమీ నిర్వహించిన ఆల్‌ ఇండియా ఫిడె రేటింగ్‌ చెస్‌ టోర్నమెంట్‌లో తెలంగాణ క్రీడాకారుడు కె. సుశాంత్‌ రన్నరప్‌గా నిలిచాడు. జాతీయ, రాష్ట్ర చెస్‌ సంఘాల సహకారంతో ఏకాగ్ర అకాడమీ అధ్వర్యంలో యూసుఫ్‌గూడ ఇండోర్‌ స్టేడియంలో నిర్వహించిన ఈ పోటీల్లో దేశవ్యాప్తంగా 800 మంది క్రీడాకారులు పాల్గొన్నారు. న్యూఢిల్లీ ఆటగాడు అక్షిత్‌ నేగి విజేతగా నిలిచి రూ. 1 లక్ష నగదు బహుమతి గెల్చుకోగా, రన్నరప్‌ సుశాంత్‌ రూ.70వేలు ప్రోత్సాహకం అందుకు న్నాడు. హరిహాణాకు చెందిన సాహిల్‌ బెహ్రాన్‌ తృతీయ స్థానంలో నిలిచాడు. అలెన్‌ బారీ గ్యాస్‌ ఇండిస్టీస్‌ డైరెక్టర్‌ వరుణ్‌ అగర్వాల్‌, తెలంగాణ చెస్‌ సంఘం అధ్యక్షుడు కెఎస్‌ ప్రసాద్‌, ఏకాగ్ర చెస్‌ అకాడమీ సీఈఓ సందీప్‌ నాయుడు, సెంట్రో ఎండీ శ్రీధర్‌ కలిసి విజేతలకు ట్రోఫీలు, నగదు బహుమతులు ప్రదానం చేశారు.