- కరాటే చాంపియన్‌షిప్స్‌కు ఎంపిక
హైదరాబాద్ : తెలంగాణ కరాటే క్రీడాకారుడు చెరుపల్లి వివేక్‌ తేజ ప్రతిష్టాత్మక కామన్‌వెల్త్‌ కరాటే చాంపియన్‌షిప్స్‌ పోటీలకు ఎంపికయ్యాడు. ఈ నెల 7 నుంచి 11 వరకు బర్మింగ్‌హామ్‌ (ఇంగ్లాండ్‌) నగరంలో కామన్‌వెల్త్‌ కరాటే చాంపియన్‌షిప్స్‌ జరుగనున్నాయి. ఈ పోటీల్లో పాల్గొనే భారత జట్టులో చెరుపల్లి వివేక్‌ తేజ నిలిచాడు. పురుషుల సీనియర్‌ విభాగం కుమిటే 84 కేజీల కేటగిరీలో వివేక్‌ తేజ బరిలోకి దిగనున్నాడు. హైదరాబాద్‌కు చెందిన వివేక్‌ తేజ పలు అంతర్జాతీయ పోటీల్లో ఇప్పటికే 27 పసిడి పతకాలు సాధించాడు. 2019 మలేషియాలో జరిగిన ప్రపంచ కరాటే చాంపియన్‌షిప్స్‌లో విజేత రజత పతకం సాధించాడు. భారత్‌ నుంచి 9 మంది క్రీడాకారులు పోటీపడుతుండగా.. వివేక్‌ తేజ పసిడి అంచనాలతో బరిలోకి దిగుతున్నాడు.
మీ స్నేహితులకు రికమెండ్ చెయ్యండి
