- దులీప్‌ ట్రోఫీ సెమీఫైనల్స్‌
చెన్నై: దులీప్‌ ట్రోఫీ సెమీఫైనల్లో టీమిండియా టెస్ట్‌ బ్యాటర్‌ హనుమ విహారి(107నాటౌట్‌), రోహన్‌(143) సెంచరీలతో కదం తొక్కడంతో సౌద్‌ జోన్‌ జట్టు భారీస్కోర్‌దిశగా పయనిస్తోంది. నార్త్‌ జోన్‌గో గురువారం నుంచి ప్రారంభమైన దులీప్‌ ట్రోఫీ తొలి సెమీస్‌లో సౌద్‌ జోన్‌ జట్టు తొలిరోజు ఆట ముగిసే సమయానికి 2 వికెట్ల నష్టపోయి 324పరుగుల భారీస్కోర్‌ను నమోదు చేసింది. మరోఓపెనర్‌ మయాంక్‌ అగర్వాల్‌(49) తృటిలో అర్ధసెంచరీని మిస్‌ చేసుకోగా.. ఇంద్రజిత్‌(20) క్రీజ్‌లో ఉన్నాడు. నార్త్‌జోన్‌ బౌలర్లు నవ్‌దీప్‌ సైనీ, నిషాంత్‌ సింధూకు తలా ఒక వికెట్‌ లభించాయి. సెంట్రల్‌జోన్‌తో జరుగుతున్న రెండో సెమీస్‌లో వెస్ట్‌ జోన్‌ జట్టు తొలిరోజు ఆట ముగిసే సమయానికి 9 వికెట్లు నష్టపోయి 252పరుగులు చేసింది. ఓపెనర్‌ పృథ్వీ షా(60), రాహుల్‌ త్రిపాఠి(64) అర్ధసెంచరీలతో రాణించగా... కెప్టెన్‌ రహానే(8), జైస్వాల్‌(0) నిరాశపరిచారు. సెంట్రల్‌జోన్‌ బౌలర్లు కార్తీకేయకు ఐదు, అంకిత్‌ రాజ్‌పుత్‌, చౌదరి, గౌరవ్‌ యాదవ్‌, కరణ్‌ శర్మకు తలా ఒక వికెట్‌ లభించాయి.