- బీసీసీఐ అధ్యక్షుడిగా జే షా
ముంబయి నవతెలంగాణ క్రీడా ప్రతినిధి
         బీసీసీఐ ప్రెసిడెంట్‌ సౌరవ్‌ గంగూలీ, సెక్రెటరీ జరు షా ఇప్పుడు కొత్త ఇన్నింగ్స్‌ ప్రారంభించబోతున్నారు. నవంబర్‌ నుంచి గంగూలీ ఐసీసీ అధ్యక్షుడి పాత్రలో కనిపించనున్నారు. అదే సమయంలో బీసీసీఐ అధ్యక్షుడిగా జరు షా వ్యవహరిస్తారు. ఈ విషయాన్ని బీసీసీఐ వర్గాలు లీకులిస్తున్నాయి. బీసీసీఐ ఉన్నతాధికారులు గంగూలీకి మద్దతిస్తున్నారని సంబంధిత వర్గాలు తెలిపాయి. ఒకవేళ గంగూలీ ఐసీసీ ఓటును పొందగలిగితే, అతను బీసీసీఐ స్థానాన్ని ఖాళీ చేస్తాడు. ఆ తర్వాత బీసీసీఐ ప్రస్తుత కార్యదర్శి జే షా అధ్యక్షుడిగా, అరుణ్‌ ధుమాల్‌ కార్యదర్శిగా బాధ్యతలు చేపట్టే అవకాశం ఉన్నది.
నవంబర్‌లో ముగియనున్న బార్కే పదవీకాలం
          ప్రస్తుత ఐసీసీ ఛైర్మెన్‌ గ్రెగర్‌ బార్క్లే పదవీకాలం నవంబర్‌లో ముగుస్తుంది. అతను మరో 2 సంవత్సరాల పదవీకాలం కోరకుండా తన పదవిని వదిలివేస్తే, ఐసీసీ కొత్త ఛైర్మన్‌ ఎంపిక జరగనున్నది. అయితే, బర్మింగ్‌హామ్‌లో జరిగిన ఐసీసీ వార్షిక సమావేశం అనంతరం బార్క్లీ మాట్లాడుతూ, ' నా పదవీకాలం నవంబర్‌లో ముగుస్తుంది. కాబట్టి నేను మరో 2 సంవత్సరాల పదవీ కాలానికి అర్హత కలిగి ఉన్నాను. సభ్యులు కోరుకుంటే నేను తిరిగి ఎన్నికకు అందుబాటులో ఉంటాను.' అని చెప్పారు. కాగా 2020 నుంచి ఐసీసీ చైర్మెన్‌ గా గ్రెగర్‌ బార్క్లే కొనసాగుతున్నారు.
ఐసీసీ అధ్యక్షుడిని ఎలా ఎన్నుకుంటారు?
          ఐసీసీలోని 16 మంది బోర్డు సభ్యులు కలిసి తమ ఛైర్మెన్‌ ను ఎన్నుకుంటారు. ఇందులో 12 టెస్టు ఆడే దేశాలు ఉన్నాయి.
ఆ దేశాలు ఏమిటంటే...
          భారతదేశం, పాకిస్తాన్‌, దక్షిణ ఆఫ్రికా, బంగ్లాదేశ్‌, ఇంగ్లండ్‌, ఆస్ట్రేలియా,వెస్ట్‌ ఇండీస,్‌శ్రీలంక,జింబాబ్వే,న్యూజిలాండ్‌, ఆఫ్ఘనిస్తాన్‌,ఐర్లాండ్‌ ఉన్నాయి.
ఈ 12 దేశాలకు ఒక్కొక్క ఓటు, మూడు మిత్రదేశాలు మలేషియా, స్కాట్లాండ్‌ , సింగపూర్‌లకు మూడు ఓట్లు ఉన్నాయి.
ప్రస్తుతం పెప్సికోకు చెందిన ఇంద్రా నూయి అయిన ఐసీసీ స్వతంత్ర డైరెక్టర్‌కి 1 ఓటు పడింది. ఇందులో 9 లేదా 51 శాతం ఓట్లు పొందిన అభ్యర్థి ఐసీసీకి కొత్త అధ్యక్షుడవుతాడు.
గతంలో స్పీకర్‌ను ఎన్నుకోవాలంటే మూడింట రెండొంతుల మెజారిటీ అవసరం కాగా ఇటీవలి తీర్మానంలో మార్పు చేశారు. ఐసీసీలో బీసీసీఐ చాలా బలమైన స్థానాన్ని కలిగి ఉన్నది. ఎందుకంటే బీసీసీఐ ప్రపంచంలోనే అత్యంత ధనిక క్రికెట్‌ బోర్డు. ఇలాంటి పరిస్థితుల్లో గంగూలీ ఐసీసీ అధ్యక్షుడయ్యే అవకాశాలు ఎక్కువగా కనిపిస్తున్నాయి.
ముగియనున్న గంగూలీ, జే షాల పదవీకాలం
బీసీసీఐ కూలింగ్‌ ఆఫ్‌ పీరియడ్‌ మార్పును సుప్రీంకోర్టు బుధవారం ఆమోదించింది. ఈ నిర్ణయం తర్వాత, ప్రస్తుత అధ్యక్షుడు సౌరవ్‌ గంగూలీ , కార్యదర్శి జే షా గరిష్ట ప్రయోజనం పొందారు. ప్రస్తుతం, బీసీసీఐ అధ్యక్షుడు సౌరవ్‌ గంగూలీ, జరు షా సహా ఐదుగురు ఆఫీస్‌ బేరర్లు బోర్డు, స్టేట్‌ బాడీలో 6 సంవత్సరాలు పూర్తి చేశారు.గంగూలీ , జే షా పదవిలో కొనసాగుతారు: బీసీసీఐకి రాజ్యాంగ సవరణను సుప్రీంకోర్టు ఆమోదించింది, ఇప్పుడు ఇద్దరూ 6 సంవత్సరాల పాటు ఆఫీస్‌ బేరర్లుగా ఉండగలరు.