న్యూఢిల్లీ : మాజీ కెప్టెన్‌, ఒలింపియన్‌ దిలిప్‌ టర్కీ హాకీ ఇండియా ఎన్నికల బరిలో నిలిచాడు. అక్టోబర్‌ 9న హాకీ ఇండియా నూతన కార్యవర్గం ఎన్నికలు జరుగనున్నాయి. అధ్యక్ష పదవికి దిలిప్‌ టర్కీ ఆదివారం నామినేషన్‌ పత్రాలు దాఖలు చేశారు. ఈ విషయాన్ని టర్కీ తన ట్విట్టర్‌ ఖాతా ద్వారా పంచుకున్నారు. హాకీ క్రీడను ఉన్నత శిఖరాలను తీసుకెళ్లేందుకు, అందరి ఆశీస్సులతో అధ్యక్ష పదవికి పోటీ చేస్తున్నట్టు తెలిపాడు.
ఆసియా పోటీలకు హుస్సాముద్దీన్‌
తెలంగాణ స్టార్‌ బాక్సర్‌, కామన్‌వెల్త్‌ క్రీడల పతక విజేత మహ్మద్‌ హుస్సాముద్దీన్‌ ఆసియా చాంపియన్‌షిప్స్‌కు ఎంపికయ్యాడు. అక్టోబర్‌ 30 నుంచి నవంబర్‌ 12 వరకు జోర్డాన్‌లో ఆసియా బాక్సింగ్‌ చాంపియన్‌షిప్స్‌ జరుగనున్నాయి. న్యూఢిల్లీలో నిర్వహించిన ట్రయల్స్‌లో పురుషుల 57 కేజీల విభాగంలో మహ్మద్‌ హుస్సాముద్దీన్‌ ఎంపికయ్యాడు.