- ఐసీసీ టీ20 ర్యాంకింగ్స్‌
దుబాయ్‌ : భారత యువ ఆటగాడు సూర్యకుమార్‌ యాదవ్‌ టీ20ల్లో కెరీర్‌ ఉత్తమ ర్యాంక్‌ సొంతం చేసుకున్నాడు. ఆస్ట్రేలియాతో తొలి టీ20లో ధనాధన్‌ ఇన్నింగ్స్‌తో మెరిసిన సూర్యకుమార్‌ యాదవ్‌ నం.3 ర్యాంక్‌లో నిలిచాడు. పాకిస్థాన్‌ కెప్టెన్‌ బాబర్‌ ఆజాంను వెనక్కి నెట్టిన సూర్యకుమార్‌.. మూడో స్థానానికి ఎగబాకాడు. పాక్‌ ఓపెనర్‌ మహ్మద్‌ రిజ్వాన్‌ అగ్రస్థానంలో కొనసాగుతుండగా, సఫారీ ఆటగాడు ఎడెన్‌ మార్కరం రెండో స్థానంలో నిలిచాడు. 780 రేటింగ్‌ పాయింట్లు సాధించిన సూర్యకుమార్‌.. మార్కరంకు 12 పాయింట్ల దూరంలో ఉన్నాడు. బాబర్‌ ఆజాం నాల్గో స్థానానికి దిగజారగా, జోశ్‌ బట్లర్‌ టాప్‌-5లో చోటు సాధించాడు. బౌలర్ల జాబితాలో ఆసీస్‌ పేసర్‌ జోశ్‌ హజిల్‌వుడ్‌ అగ్రస్థానంలో కొనసాగుతున్నాడు.