- 36వ నేషనల్‌ గేమ్స్‌
హైదరాబాద్‌: గుజరాత్‌ వేదికగా జరుగుతున్న ప్రతిష్ఠాత్మక 36వ జాతీయగేమ్స్‌లో రాష్ట్ర యువ టీటీ ప్లేయర్‌ ఆకుల శ్రీజ పతక జోరు దిగ్వి జయంగా కొనసాగుతున్నది. తన అద్భుత ఆటతీరుతో రాష్ట్రం తరఫున అదరగొడుతున్నది. శనివారం జరిగిన మహిళల సింగిల్స్‌ ఫైనల్లో శ్రీజ 8-11, 7-11, 8-11, 14-12, 9-11 తేడాతో సుతీర్థ ముఖర్జీ(పశ్చిమబెంగాల్‌) చేతిలో ఓడి రజతం ఖాతాలో వేసు కుంది. అదే జోరు ప్రదర్శిస్తూ మిక్స్‌డ్‌ డబుల్స్‌లో ఎస్‌ఎఫ్‌ఆర్‌ స్నేహిత్‌తో కలిసి తుదిపోరులో బరిలోకి దిగిన శ్రీజకు నిరాశ ఎదురైంది. శ్రీజ, స్నేహిత్‌ ద్వయం 8-11, 5-11, 6-11తో గుజరాత్‌ జోడీ మానుశ్‌షా, కిత్వికా సిన్హారారు చేతిలో ఓడి వెండి పతకంతో సంతప్తిపడింది. మరోవైపు మహిళల టీమ్‌ ఈవెంట్‌లోనూ తెలంగాణ జట్టుకు కాంస్య పతకం దక్కడంలో శ్రీజ కీలక భూమిక పోషించింది. 'శనివారం జరిగిన వేర్వేరు విభాగపు మ్యాచ్‌ల్లో మనకు సానుకూల ఫలితాలు దక్కలేదు. లోటుపాట్లపై దృష్టి సారించి ముందుకెళ్తాం' అని కోచ్‌ సోమ్‌నాథ్‌ ఘోష్‌ పేర్కొన్నాడు.