- తొలి మ్యాచ్‌లో ఆసీస్‌, కివీస్‌ ఢ
సిడ్నీ : ఐసీసీ 2022 టీ20 ప్రపంచకప్‌ తొలి దశ పోటీలు ముగిశాయి. ఇక, నేటి నుంచి సూపర్‌ సమరానికి తెరలేవనుంది. తొలి రౌండ్‌లో ఎనిమిది జట్లు పోటీపడగా.. నాలుగు జట్లు సూపర్‌ సమరానికి అర్హత సాధించాయి. సూపర్‌12 దశలో 12 జట్లు అసలు సిసలు సమరానికి సై అంటున్నాయి. గ్రూప్‌-1లో అఫ్గనిస్థాన్‌, ఆస్ట్రేలియా, ఇంగ్లాండ్‌, ఐర్లాండ్‌, న్యూజిలాండ్‌, శ్రీలంకలు పోటీపడనుండగా.. గ్రూప్‌-2లో బంగ్లాదేశ్‌, భారత్‌, నెదర్లాండ్స్‌, పాకిస్థాన్‌, దక్షిణాఫ్రికా, జింబాబ్వేలు అమీతుమీ తేల్చుకోనున్నాయి. సూపర్‌12 దశలో గ్రూప్‌లో తొలి రెండు స్థానాల్లో నిలిచిన జట్లు సెమీఫైనల్స్‌కు అర్హత సాధిస్తాయి.
సూపర్‌12 సమరం నేడు పొరుగు దేశాల పోరుతో ఆరంభం కానుంది. డిఫెండింగ్‌ చాంపియన్‌, ఆతిథ్య ఆస్ట్రేలియాతో న్యూజిలాండ్‌ ఆరంభ మ్యాచ్‌లో తలపడనుంది. సిడ్నీ వేదికగా ఆసీస్‌, కివీస్‌ బోణీ కొట్టేందుకు ఎదురుచూస్తున్నాయి. మ్యాచ్‌ మధ్యాహ్నాం 12.30 గంటలకు ఆరంభం. స్టార్‌స్పోర్ట్స్‌ నెట్‌వర్క్‌లో మ్యాచులు ప్రసారం కానున్నాయి.