- డిస్నీ హాట్‌స్టార్‌ వెల్లడి
దుబాయ్‌: భారత్‌-పాకిస్తాన్‌ జట్ల మధ్య ఆదివారం(23న) జరిగిన టి20 ప్రపంచకప్‌ క్రికెట్‌ మ్యాచ్‌ను రికార్డుస్థాయిలో ప్రేక్షకులు వీక్షించారు. డిజిటల్‌ ప్లాట్‌ఫామ్‌పై అత్యధికమంది వీక్షించిన జాబితాలో ఈ మ్యాచ్‌ అగ్రస్థానంలో నిలిచింది. డిజిటల్‌ ప్లాట్‌ఫామ్‌ డిస్నీ హాట్‌స్టార్‌ ద్వారానే ఒక కోటి 80లక్షలమంది ఈ మ్యాచ్‌ను ప్రత్యక్షంగా వీక్షించినట్లు ఆ యాప్‌ మంగళవారం ప్రకటించింది. ఆసియాకప్‌లో జరిగిన భారత్‌-పాక్‌ల మ్యాచ్‌ను హాట్‌స్టార్‌ యాప్‌లో 1.40 కోట్ల మంది వీక్షించి రికార్డు నెలకొల్పగా.. తాజాగా ఆ రికార్డును ఈ మ్యాచ్‌ అధిగమించింది. ఇక మెల్‌బోర్న్‌ స్టేడియంలో 90,293మంది ప్రత్యక్షంగా వీక్షించినట్లు ఐసిసి ఓ ప్రకటనలో వెల్లడించింది.