- క్రికెట్‌ చాంపియన్‌ ఏల్బీనగర్‌
హైదరాబాద్‌ : అక్షర విద్యాసంస్థల ఇంటర్‌ స్కూల్‌ స్పోర్ట్స్‌ మీట్‌ అట్టహాసంగా ముగిసింది. బాలుర క్రికెట్‌ విభాగంలో ఎల్బీనగర్‌ విజేతగా నిలిచింది. బాలికల ఖోఖో ఫైనల్లో ఏఎస్‌రావు నగర్‌ స్కూల్‌ విజయం సాధించింది. అక్షర సుచిత్రపై 2-1తో గెలుపొందిన ఏఎస్‌రావు నగర్‌ ఖోఖో టైటిల్‌ను సొంతం చేసుకుంది. ఖోఖో బాలికల జూనియర్‌ విభాగంలో అక్షర సుచిత్ర చాంపియన్‌గా నిలిచింది. ఫైనల్లో 7-2తో అక్షర్‌ ఎల్బీనగర్‌పై ఘన విజయం సాధించింది. అథ్లెటిక్స్‌ బాలుర 4 (100) రిలే పరుగులో ఎల్బీనగర్‌ బృందం యోగిత్‌, ధీరజ్‌, అభినరు, నిహాల్‌ ముందంజలో నిలిచారు. బాలుర సీనియర్‌ కబడ్డీ ఫైనల్లో ఎల్బీనగర్‌ జట్టు 42-18తో ఏఎస్‌రావు నగర్‌పై గెలుపొందింది. విజేతలకు అక్షర ఇంటర్నేషనల్‌ స్కూల్‌ సీఈవో అర్శనపల్లి మదన్‌మోహన్‌రావు పతకాలు ప్రదానం చేశారు. స్పోర్ట్స్‌ మీట్‌ ముగింపు కార్యక్రమంలో అక్షర ప్రిన్సి పాల్స్‌ ప్రియవాహి, రమణి వారణాసి, హైమావతి, జానకి, హర్ష సోలంకి, కామేశ్వరి తదితరులు పాల్గొన్నారు.