- బెల్జియంపై 2-0తో గెలుపు
దోహా : అట్లాస్‌ లయన్స్‌ సంచలనం సృష్టించింది. ఫిఫా ప్రపంచకప్‌లో మరో పెను తుఫాన్‌. వరల్డ్‌ నం.2 బెల్జియంపై మొరాకో 2-0తో మెరుపు విజయం అందుకుంది. బెల్జియం, మొరాకా మ్యాచ్‌ ప్రథమార్థం నువ్వా నేనా అన్నట్టు సాగింది. ఇరు జట్లు ప్రత్యర్థి గోల్‌ పోస్ట్‌పై 10 సార్లు దాడి చేసుకున్నాయి. ద్వితీయార్థంలో రెండు గోల్స్‌ నమోదు చేసిన మొరాకో.. ఖతార్‌ ప్రపంచకప్‌లో విజయాలు సాధించిన రెండో ఆఫ్రికా జట్టుగా నిలిచింది. 73వ నిమిషంలో సబిరి గోల్‌ కొట్టగా, 90 నిమిషాల అనంతరం ఇంజూరీ టైమ్‌ 2వ నిమిషంలో అబోకాల్‌ మరో గోల్‌తో మెరిశాడు. ఈ రెండు గోల్స్‌తో బెల్జియంపై మొరాకో గెలుపొందింది. గ్రూప్‌-ఎఫ్‌లో నాలుగు పాయింట్లతో అగ్రస్థానంలో నిలిచింది. తొలి మ్యాచ్‌లో క్రోయేషియాతో మ్యాచ్‌ను మొరాకా డ్రా చేసుకున్న సంగతి తెలిసిందే.