అహ్మదాబాద్‌ : విజయ్‌ హజారే ట్రోఫీ సౌరాష్ట్ర సొంతమైంది. శుక్రవారం జరిగిన టైటిల్‌ పోరులో మహారాష్ట్రపై 5 వికెట్ల తేడాతో గెలుపొందిన సౌరాష్ట్ర దేశవాళీ వన్డే ఫార్మాట్‌ విజేతగా అవతరించింది. 249 పరుగుల ఛేదనలో షెల్డన్‌ జాక్సన్‌ (133 నాటౌట్‌, 136 బంతుల్లో 12 ఫోర్లు, 5 సిక్స్‌లు) శతకంతో చెలరేగాడు. ఓపెనర్‌ హర్విక్‌ (50), చిరాగ్‌ జాని (30 నాటౌట్‌) రాణించారు. జాక్సన్‌ శతకంతో 46.3 ఓవర్లలో 5 వికెట్ల నష్టానికి సౌరాష్ట్ర 249 పరుగులు చేసింది. తొలుత బ్యాటింగ్‌ చేసిన మహారాష్ట్ర 50 ఓవర్లలో 248/9 పరుగులు చేసింది. ఓపెనర్‌ రుతురాజ్‌ గైక్వాడ్‌ (108, 131 బంతుల్లో 7 ఫోర్లు, 4 సిక్స్‌లు) శతకంతో కదం తొక్కాడు. ఖాజి (37), షేక్‌ (31), సత్యజిత్‌ (27) రాణించారు. షెల్డన్‌ జాక్సన్‌ 'మ్యాన్‌ ఆఫ్‌ ది మ్యాచ్‌'గా నిలిచాడు.