న్యూఢిల్లీ : భారత ఒలింపిక్‌ సంఘం (ఐఓఏ) అధ్యక్షురాలి గా దిగ్గజ స్ప్రింటర్‌, పి.టి ఉష ఎన్నికైంది. శనివారం జరిగిన ఐఓఏ ఎన్నికల్లో పి.టి ఉష పలువురు ఆఫీస్‌ బేరర్లు ఏకగ్రీవంగా ఎన్నికయ్యారు. ఐఓఏ చరిత్రలో తొలిసారి ఓ మహిళ అధ్యక్ష పగ్గాలు చేపట్టింది. ఒలింపియన్‌ గగన్‌ నారంగ్‌ ఉపాధ్యక్షుడిగా, మాజీ ఫుట్‌బాల్‌ ఆటగాడు కళ్యాణ్‌ చౌబే సంయుక్త కార్యదర్శిగా ఎన్నికయ్యారు. అథ్లెట్స్‌ కమిషన్‌ నుంచి మేరీకోమ్‌, శరత్‌ కమల్‌ ఐఓఏ సభ్యులుగా ఉండనున్నారు. నూతన రాజ్యాంగం ప్రకారం ఐఓఏ కార్యదర్శిని వేతన ప్రాతిపదికన నియమించనుంది.
మీ స్నేహితులకు రికమెండ్ చెయ్యండి
