- దక్షిణాఫ్రికాతో రెండోటెస్ట్‌
మెల్‌బోర్న్‌: దక్షిణాఫ్రికాతో జరుగుతున్న రెండో టెస్ట్‌లోనూ ఆతిథ్య ఆస్ట్రేలియా జట్టు పట్టు బిగించింది. ఓవర్‌నైట్‌ స్కోర్‌ 3 వికెట్లు కోల్పోయి 386 పరుగులతో బుధవారం తొలి ఇన్నింగ్స్‌ను కొనసాగించిన ఆసీస్‌ జట్టు 8వికెట్ల నష్టానికి 575పరుగుల వద్ద ఇన్నింగ్స్‌ను డిక్లేర్డ్‌ చేసింది. స్టీవ్‌ స్మిత్‌(85) ఓవర్‌నైట్‌ స్కోర్‌వద్ద ఔట్‌ కాగా.. హెడ్‌(51), గ్రీన్‌(51) అర్ధసెంచరీలతో రాణించారు. ఆ తర్వాత వికెట్‌ కీపర్‌ క్యారీ(111)సెంచరీతో కదం తొక్కడంతో ఆసీస్‌ జట్టు భారీ ఆధిక్యతను సంపాదించింది. నోర్ట్జేకు మూడు, రబడాకు రెండు, ఎన్గిడి, జెన్సన్‌కు ఒక్కో వికెట్‌ దక్కాయి. దీంతో ఆస్ట్రేలియాకు 386పరుగుల తొలి ఇన్నింగ్స్‌ ఆధిక్యత లభించింది. అనంతరం రెండో ఇన్నింగ్స్‌ ప్రారంభించిన దక్షిణాఫ్రికా జట్టు మూడోరోజు ఆట ముగిసే సమయానికి వికెట్‌ నష్టపోయి 15పరుగులు చేసింది. కెప్టెన్‌ ఎల్గర్‌(0) డకౌట్‌ కాగా.. ఎర్వి(7), బ్రుయాన్‌(6) క్రీజ్‌లో ఉన్నారు.