- న్యూజిలాండ్‌కు ఆధిక్యత
కరాచీ: పాకిస్తాన్‌తో జరుగుతున్న తొలిటెస్ట్‌లో న్యూజిలాండ్‌ జట్టు ఆధిక్యతను సంపాదించింది. తొలి ఇన్నింగ్స్‌లో పాకిస్తాన్‌ జట్టు 438పరుగులు చేయగా..
మూడోరోజు న్యూజిలాండ్‌ జట్టు 2 పరుగుల ఆధిక్యతను సంపాదించింది. ఓవర్‌నైట్‌ స్కోర్‌ వికెట్లేమీ నష్టపోకుండా 165పరుగులతో తొలి ఇన్నింగ్స్‌ కొనసాగించిన న్యూజిలాండ్‌ జట్టు బుధవారం ఆట ముగిసే సమయానికి 6వికెట్లు కోల్పోయి 440పరుగులు చేసింది.
ఓపెనర్‌ లాథమ్‌(113), కాన్వే(92) తొలి వికెట్‌కు 183పరుగుల భారీ భాగస్వామ్యాన్ని నెలకొల్పారు. ఆ తర్వాత కెప్టెన్‌ విలియ్సన్‌(105బ్యాటింగ్‌) కూడా రాణించాడు. ఆ తర్వాత మిఛెల్‌(42), బ్లండెల్‌(47) కూడా బ్యాటింగ్‌లో రాణించడంతో కివీస్‌ జట్టు భారీస్కోర్‌ దిశగా పయనిస్తోంది. అబ్రార్‌ అహ్మద్‌కు మూడు, నౌమన్‌ అలీకి రెండు వికెట్లు దక్కాయి.