- కంగారూ కోచ్‌ మెక్‌డొనాల్డ్‌
సిడ్నీ: భారత్‌తో బోర్డర్‌-గవాస్కర్‌ టెస్టు సిరీస్‌ ముంగిట వార్మప్‌ మ్యాచుల అవసరం లేదని ఆస్ట్రేలియా కోచ్‌ ఆండ్రూ మెక్‌డొనాల్డ్‌ అన్నాడు. భారత్‌, ఆసీస్‌ సిరీస్‌ ఫిబ్రవరి 9 నుంచి ఆరంభం కానుంది. వారం రోజుల ముందుగానే కంగారూ జట్టు భారత్‌కు చేరుకోనుంది. పాక్‌పై టెస్టు సిరీస్‌నూ వార్మప్‌ అవసరం లేకుండానే నెగ్గామని మెక్‌డొనాల్డ్‌ గుర్తు చేశాడు. చివరగా 2003లో భారత్‌లో ఆసీస్‌ టెస్టు సిరీస్‌ విజయం సాధించింది. ఇక, సిడ్నీ టెస్టులో సఫారీలపై ఐదుగురు బౌలర్లతో బరిలోకి దిగాలని ఆసీస్‌ మాజీ కెప్టెన్‌ మార్క్‌ టేలర్‌ సూచించారు. ఐదుగురు బౌలర్ల ఫార్ములాతో భారత్‌తో టెస్టు సవాల్‌ సన్నద్ధతకు ఉపయుక్తమని టేలర్‌ అన్నారు.
మీ స్నేహితులకు రికమెండ్ చెయ్యండి
