-హైదరాబాద్‌తో రంజీ మ్యాచ్‌
విజయనగరం : హైదరాబాద్‌ బౌలర్ల నిలకడలేని ప్రదర్శన కొనసాగుతుంది. తొలి ఇన్నింగ్స్‌లో గొప్పగా రాణించిన పేసర్లు.. రెండో ఇన్నింగ్స్‌లో ప్రభావం చూపలేకపోయారు. తొలి ఇన్నింగ్స్‌లో 135 పరుగులకు కుప్పకూలిన ఆంధ్ర.. రెండో ఇన్నింగ్స్‌లో 230/3తో మెరుగైన స్థితిలో నిలిచింది. ఓపెనర్‌ జ్ఞానేశ్వర్‌ (72, 96 బంతుల్లో 15 ఫోర్లు), కెఎస్‌ భరత్‌ (70 నాటౌట్‌, 52 బంతుల్లో 12 ఫోర్లు, 2 సిక్స్‌లు) అర్థ సెంచరీలు కొట్టారు. కెప్టెన్‌ హనుమ విహారి (33), రికీ భురు (43 నాటౌట్‌) రాణించారు. రెండో రోజు ఆట ముగిసే సమయానికి ఆంధ్ర 168 పరుగుల ముందంజలో కొనసాగుతుంది. హైదరాబాద్‌ తొలి ఇన్నింగ్స్‌లో 197 పరుగులకే కుప్పకూలింది. శశాంక్‌ (47), తన్మరు (35), అలంకృత్‌ (29) చెప్పుకోదగిన పరుగులు చేశారు.