- ఫిబ్రవరి 2-5 వరకు గచ్చిబౌలిలో పోటీలు
హైదరాబాద్‌ : 5వ జాతీయ మాస్టర్‌గేమ్స్‌ (2023) టోర్నమెంట్‌ వాల్‌పోస్టర్‌ను రాష్ట్ర క్రీడాశాఖ మంత్రి వి. శ్రీనివాస్‌ గౌడ్‌ మంగళవారం ఆవిష్కరించారు. రవీంద్ర భారతిలోని కార్యాలయంలో మంత్రిని కలిసిన మాస్టర్‌గేమ్స్‌ నిర్వాహకులు టోర్నీ వివరాలను వెల్లడించారు. గచ్చిబౌలి స్టేడియంలో ఫిబ్రవరి 2 నుంచి 5 వరకు జాతీయ స్థాయి ఈవెంట్‌ జరుగనుంది. 27 రాష్ట్రాల నుంచి 15 వేలకు పైగా మాస్టర్‌ అథ్లెట్లు 18 క్రీడాంశాల్లో పోటీపడనున్నారు. మాస్టర్‌గేమ్స్‌ను అంతర్జాతీయ ప్రమాణాలతో నిర్వహిస్తున్న నిర్వాహకులను మంత్రి శ్రీనివాస్‌ గౌడ్‌ అభినందించారు. కార్యక్రమంలో నిర్వహణ కమిటీ చైర్మెన్‌ కొలన్‌ జగ్జీవన్‌ రెడ్డి, కార్యదర్శి రామారావు, ఉపాధ్యక్షులు అనూప్‌ చక్రవర్తి, ఆర్గనైజింగ్‌ సెక్రటరీ ఓర్సు రమేశ్‌ తదితరులు పాల్గొన్నారు.