- మలేషియా ఓపెన్‌ బ్యాడ్మింటన్‌
కౌలాలంపూర్‌ : మలేషియా ఓపెన్‌లో భారత సీనియర్‌ షట్లర్‌ హెచ్‌.ఎస్‌ ప్రణయ్‌ క్వార్టర్‌ఫైనల్లోకి చేరుకున్నాడు. పురుషుల సింగిల్స్‌ రెండో రౌండ్లో ఇండోనేషియా షట్లర్‌పై గెలుపొందిన ప్రణరు టైటిల్‌ రేసులో ఓ అడుగు ముందుకేశాడు. మూడు గేముల మ్యాచ్‌లో 21-9, 15-21, 21-16తో చికా ఆరా వార్డోయో (ఇండోనేషియా)పై హెచ్‌.ఎస్‌ ప్రణయ్‌ విజయం సాధించాడు. నేడు క్వార్టర్‌ఫైనల్లో జపాన్‌ షట్లర్‌ కొడారు నరోకాతో ప్రణయ్‌ పోటీపడనున్నాడు. పురుషుల డబుల్స్‌ విభాగంలో స్టార్‌ జోడీ సాత్విక్‌, చిరాగ్‌ సైతం క్వార్టర్‌ఫైనల్లోకి ప్రవేశించారు. 21-19, 20-22తో వరుస గేముల్లో ఇండోనేషియా జోడీ మొహమ్మద్‌ ఫిక్రి, బగాస్‌ మౌలానాలపై సాత్విక్‌సాయిరాజ్‌ రాంకీరెడ్డి, చిరాగ్‌ శెట్టిలు గెలుపొందారు. మహిళల డబుల్స్‌లో పుల్లెల గాయత్రి, ట్రెసా జాలీ జంట నిష్క్రమించింది. 13-21, 21-15, 17-21తో బల్గేరియా జంటపై మూడు గేముల్లో పోరాడి ఓడింది.