నాన్థబురి(థాయ్‌లాండ్‌): భారత పురుషుల డబుల్స్‌ టెన్నిస్‌ జోడీ, టాప్‌సీడ్‌ యుకీ బాంబ్రీ-సాకేత్‌ మైనేని బ్యాంకాక్‌ ఓపెన్‌ ఛాలెంజర్స్‌ టైటిల్‌ను కైవసం చేసుకున్నారు. శనివారం జరిగిన ఫైనల్లో భారత డబుల్స్‌ జోడీ 2-6, 7-6(7), 14-12తో క్రిసో ్టఫర్‌-రంగ్‌కాట్‌(ఇండోనేషియా-ఆస్ట్రేలియా) జోడీపై ఉత్కంఠ పోటీలో పోరాడి నెగ్గారు. ఈ మ్యాచ్‌ సుమారు గంటా 50నిమిషాలసేపు సాగింది. దీంతో వీరు కెరీర్‌లో 6వ ఏటిపి ఛాలెంజర్స్‌ టూర్‌ టైటిల్‌ను కైవసం చేసుకున్నారు. గత ఏడాది నుంచి భారత టెన్నిస్‌ జోడీ జతకట్టి డబుల్స్‌లో బరిలోకి దిగుతున్నారు. వీరిద్దరూ ఫైనల్‌కు చేరిన ఆరు సందర్భాల్లో ఐదుసార్లు టైటిళ్లను సాధించడం విశేషం. 28ఏళ్ల యూకీ డబుల్స్‌లో 90వ, 35ఏళ్ల సాకెత్‌ మైనేని 74వ ర్యాంక్‌లో ఉన్నారు. వీరిద్దరూ జతకట్టి తొలిసారి ఆస్ట్రేలియన్‌ ఓపెన్‌ పురుషుల డబుల్స్‌లో వైల్డ్‌కార్డ్‌ ఎంట్రీతో బరిలోకి దిగనున్నారు.