హైదరాబాద్‌ : ఫిబ్రవరి 24, 25న 'ది స్టీల్‌ మ్యాన్‌ క్లాసిక్‌' బాడీ బిల్డింగ్‌ చాంపియన్‌షిప్‌ సోమాజిగూడలో జరుగనుంది. రెండు రోజుల పాటు జరిగే టోర్నీలో దక్షిణాది రాష్ట్రాల నుంచి 200 మంది బాడీ బిల్డర్లు పోటీపడతారని నిర్వాహకులు మిస్టర్‌ ఇండియా శివ కుమార్‌, మిస్టర్‌ వరల్డ్‌ శ్రీరాహుల్‌ తెలిపారు. జూనియర్‌, సీనియర్‌, క్లాసిక్‌ ఈవెంట్లలో ఐదు విభాగాల్లో పోటీలు ఉంటాయి. విజేతలకు రూ. 5 లక్షల నగదు బహుమతి ఇవ్వనున్నారు. జాతీయ స్థాయి న్యాయ నిర్ణేతలు పోటీల్లో విజేతలను ఎంపిక చేస్తారని, ఇతర రాష్ట్రాల నుంచి వచ్చే బాడీ బిల్డర్లకు వసతి, భోజన సౌకర్యం ఏర్పాటు చేవారు. యువత చెడు అలవాట్లకు బానిస కాకుండా.. ఆరోగ్యం, ఫిట్‌నెస్‌పై దృష్టి సారించేలా ప్రోత్సహించేందుకు ఈ టోర్నీ నిర్వహిస్తున్నట్టు నిర్వాహకులు తెలిపారు.