హైదరాబాద్ : ఇండియన్‌ డెఫ్‌ క్రికెట్‌ అసోసియేషన్‌ (ఐడీసీఏ) నాల్గో జాతీయ జోన్‌ క్రికెట్‌ చాంపియన్‌షిప్‌లో నార్త్‌ జోన్‌ విజేతగా అవతరించింది. శుక్రవారం జరిగిన టైటిల్‌ పోరులో సౌత్‌ జోన్‌పై 43 పరుగుల తేడాతో నార్త్‌ జోన్‌ ఘన విజయం సాధించింది. తొలుత నార్త్‌జోన్‌ 32.1 ఓవర్లలో 94 పరుగులకు ఆలౌట్‌ కాగా.. ఛేదనలో సౌత్‌ జోన్‌ 16.4 ఓవర్లలో 51 పరుగులకే కుప్పకూలింది. ఆరు వికెట్లు పడగొట్టిన నార్త్‌జోన్‌ ఆటగాడు కుల్దీప్‌ సింగ్‌ 'మ్యాన్‌ ఆఫ్‌ ది మ్యాచ్‌'తో పాటు మ్యాన్‌ ఆఫ్‌ ది సిరీస్‌ అవార్డును దక్కించుకోగా.. వెస్ట్‌ జోన్‌ ఆటగాడు సైముల్లా ఖాన్‌ బెస్ట్‌ బ్యాటర్‌గా, సుదర్శన్‌ (సౌత్‌ జోన్‌) బెస్ట్‌ బౌలర్‌గా నిలిచారు. ఐడీసీఏ, తెలంగాణ డెఫ్‌ క్రికెట్‌ సంఘం ఆఫీస్‌ బేరర్లు విజేతలకు బహుమతులు ప్రదానం చేశారు.
మీ స్నేహితులకు రికమెండ్ చెయ్యండి
