- రెండో టెస్టులో ఇన్నింగ్స్‌ విజయం
వెల్లింగ్టన్‌ : శ్రీలంకతో టెస్టు సిరీస్‌ను న్యూజిలాండ్‌ క్లీన్‌స్వీప్‌ చేసింది. రెండో టెస్టులో ఇన్నింగ్స్‌ 58 పరుగుల తేడాతో ఘన విజయం సాధించిన ఆతిథ్య కివీస్‌.. టెస్టు సిరీస్‌ను 2-0తో సొంతం చేసుకుంది. పేసర్లు మాట్‌ హెన్రీ (3/44), మైకల్‌ బ్రాస్‌వెల్‌ (3/50) మెరవటంతో తొలి ఇన్నింగ్స్‌లో శ్రీలంక 164 పరుగులకే కుప్పకూలింది. ధనంజయ డిసిల్వ (98), దినేశ్‌ చండిమాల్‌ (62), కరుణరత్నె (51), కుశాల్‌ మెండిస్‌ (50) రాణించటంతో ఫాలోఆన్‌లో శ్రీలంక 358 పరుగులు చేసింది. అయినా, న్యూజిలాండ్‌ తొలి ఇన్నింగ్స్‌ 580/4 డిక్లేర్డ్‌ను అందుకోలేదు. కేన్‌ విలియమ్సన్‌ (215), హెన్రీ నికోల్స్‌ (200) డబుల్‌ సెంచరీలతో తొలి ఇన్నింగ్స్‌లో న్యూజిలాండ్‌ కొండంత స్కోరు నమోదు చేసింది. హెన్రీ నికోల్స్‌ 'మ్యాన్‌ ఆఫ్‌ ది మ్యాచ్‌'గా నిలువగా, కేన్‌ విలియమ్సన్‌ 'ప్లేయర్‌ ఆఫ్‌ ది సిరీస్‌' అవార్డు అందుకున్నాడు.