- స్విస్‌ ఓపెన్‌ బ్యాడ్మింటన్‌
బసెల్‌ : భారత అగ్రశ్రేణి బ్యాడ్మింటన్‌ క్రీడాకారిణి, రెండుసార్లు ఒలింపిక్‌ మెడలిస్ట్‌ పి.వి సింధు వైఫల్యం కొనసాగుతుంది. గాయం నుంచి కోలుకుని షటిల్‌ కోర్టులో రీ ఎంట్రీ ఇచ్చిన తెలుగు తేజం.. ఫామ్‌ అందుకునేందుకు ఇబ్బందులు పడుతోంది. నాల్గో సీడ్‌ సింధు స్విస్‌ ఓపెన్‌ ప్రీ క్వార్టర్‌ఫైనల్లోనే నిష్క్రమించింది. మహిళల సింగిల్స్‌ ప్రీ క్వార్టర్స్‌లో ఇండోనేషియా షట్లర్‌ కుసుమ చేతిలో మూడు గేముల పోరులో ఓటమి పాలైంది. 15-21, 21-12, 18-21తో క్వార్టర్స్‌ బెర్త్‌ను సింధు చేజార్చుకుంది. రెండో గేమ్‌ను అలవోకగా నెగ్గిన సింధు.. నిర్ణయాత్మక మూడో గేమ్‌లో అంచనాలను అందుకోలేదు. పురుషుల సింగిల్స్‌లో హెచ్‌.ఎస్‌ ప్రణరు వరుస గేముల్లో ఓటమి పాలయ్యాడు. ఫ్రాన్స్‌ షట్లర్‌ క్రిస్టో 21-8, 21-8తో ప్రణయ్‌పై ఏకపక్ష విజయం సాధించాడు.