- షూటింగ్‌ ప్రపంచకప్‌
భోపాల్‌ : భారత స్టార్‌ షూటర్‌ మను భాకర్‌ రెండేండ్ల పతక దాహం తీర్చుకుంది. చివరగా 2021 ఐఎస్‌ఎస్‌ఎఫ్‌ ప్రపంచకప్‌లో కాంస్య పతకం సాధించిన మను భాకర్‌.. ఈ రెండేండ్లలో ఒక్క మెడల్‌ సాధించలేదు. భోపాల్‌ ఐఎస్‌ఎస్‌ఎఫ్‌ ప్రపంచకప్‌ మహిళల 25 మీటర్ల పిస్టల్‌ విభాగంలో మూడో స్థానంలో నిలిచిన మను భాకర్‌ కాంస్య పతకం సాధించింది. వరల్డ్‌కప్‌ మెడల్‌ విజయాన్ని గుర్రపు స్వారీతో మను భాకర్‌ ఆస్వాదించింది. అర్హత రౌండ్‌లో మను భాకర్‌ 584 పాయింట్లు, తెలంగాణ షూటర్‌ ఇషా సింగ్‌ 581 పాయింట్లతో మెడల్‌ పోరుకు చేరుకున్నారు. ఇషా సింగ్‌ ఎలిమినేట్‌ కాగా మను భాకర్‌ మూడో స్థానంలో కాంస్య పతకం గెల్చుకుంది. జర్మనీ, చైనా షూటర్లు పసిడి, రజత పతకాలు దక్కించుకున్నారు.ఐఎస్‌ఎస్‌ఎఫ్‌ ప్రపంచకప్‌ నేడు చివరి రోజు.
మీ స్నేహితులకు రికమెండ్ చెయ్యండి
