- ఐపీఎల్‌16 ఆరంభ వేడుకలకు సినీ గ్లామర్‌
ముంబయి : మూడేండ్ల విరామం అనంతరం ఇండియన్‌ ప్రీమియర్‌ లీగ్‌ (ఐపీఎల్‌) పాత పద్దతిలో జరుగుతోంది. పది జట్ల అభిమానులు ఐపీఎల్‌ వినోదం సొంత వేదికల్లో మళ్లీ వీక్షించనున్నారు. దీంతో ఐపీఎల్‌ 2023 ఆరంభ వేడుకలకు బీసీసీఐ భారీ ప్రణాళికలు రచిస్తోంది. అహ్మదాబాద్‌లోని మోతెరా స్టేడియంలో గురువారం (మార్చి 30) సాయంత్రం 6.30 గంటల నుంచే సందడి షురూ కానుంది. పుష్ప ఫేం రష్మిక మందన, బాహుబలి ఫేం తమన్నా భాటియాలు ఈ ఏడాది ఆరంభ వేడుకల్లో నృత్య ప్రదర్శన చేయనున్నారు. ఆరంభ వేడుకలను విజువల్‌ వండర్‌గా నిర్వహించేందుకు బోర్డు అన్ని సిద్ధం చేసినట్టు తెలుస్తోంది. ఐపీఎల్‌ 2023 12 వేదికల్లో 52 రోజుల పాటు జరుగనున్న సంగతి తెలిసిందే. 
జాతీయ టేబుల్‌ టెన్నిస్‌ చాంపియన్‌షిప్స్‌లో తెలంగాణ ప్యాడ్లర్లు మహ్మద్‌ అలీ, వాన్ష్‌ సింఘాల్‌ జోడీ సిల్వర్‌ మెడల్‌ గెల్చుకుంది. సిల్వర్‌ మెడలిస్ట్‌లను తెలంగాణ టేబుల్‌ టెన్నిస్‌ సంఘం కార్యదర్శి నాగేందర్‌ రెడ్డి, కోచ్‌ సోమ్‌నాథ్‌ ఘోష్‌ అభినందించారు.
