- బరిలో సాయిప్రణీత్‌, సమీర్‌ సైతం
- ఒర్లీన్స్‌ మాస్టర్స్‌ టోర్నీ
ఒర్లీన్స్‌ (ఫ్రాన్స్‌) : మహిళల సింగిల్స్‌ మాజీ వరల్డ్‌ నం.1, ఒలింపిక్‌ మెడలిస్ట్‌ సైనా నెహ్వాల్‌ టైటిల్‌ వేటలో సుదీర్ఘ నిరీక్షణకు తెరదించేందుకు మరో ప్రయత్నానికి సిద్ధమైంది. వరుసగా స్విస్‌, స్పెయిన్‌ ఓపెన్‌లకు దూరమైన సైనా నెహ్వాల్‌ నేటి నుంచి ఆరంభం కానున్న ఒర్లీన్‌ మాస్టర్స్‌ సూపర్‌ 300 టోర్నీలో రాకెట్‌ పట్టనుంది. స్పెయిన్‌ ఓపెన్‌ రన్నరప్‌ పి.వి సింధు, డబుల్స్‌ జోడీ సాత్విక్‌, చిరాగ్‌లు ఫ్రాన్స్‌ టోర్నీకి దూరమయ్యారు. దీంతో ఒర్లీన్స్‌ మాస్టర్స్‌లో భారత్‌ నుంచి ఎవరికీ సీడింగ్‌ లభించలేదు.మహిళల సింగిల్స్‌ తొలి రౌండ్లో సైనా నెహ్వాల్‌కు క్వాలిఫయర్‌ ఎదురు కానుంది. అయితే, రెండో రౌండ్లోనే టాప్‌ సీడ్‌, రియో ఒలింపిక్‌ చాంపియన్‌ కరొలినా మారిన్‌ (స్పెయిన్‌)తో సైనా నెహ్వాల్‌ అమీతుమీ తేల్చుకోవాల్సి ఉంటుంది. తన్య హేమంత్‌, ఆకర్షి కశ్యప్‌, తన్షిమ్‌ మిర్‌, అష్మిత చాలిహలు సైతం బరిలో నిలిచారు. పురుషుల సింగిల్స్‌లో బి. సాయిప్రణీత్‌, సమీర్‌ వర్మ, మిథున్‌ మంజునాథ్‌, కిరణ్‌ జార్జ్‌, ప్రియాన్షులు పోటీపడనున్నారు.మహిళల డబుల్స్‌లో తనీశ క్రాస్టోతో కలిసి అశ్విని పొన్నప్ప పోటీపడనుండగా.. సునీల్‌ ఆరతి జంటగా సిక్కి రెడ్డి ఆడనుంది.
