- కలెక్టర్‌ అనితారామచంద్రన్‌
నవతెలంగాణ -భువనగిరిరూరల్‌
డాక్టర్‌ బీఆర్‌.అంబేద్కర్‌ ఆశయాలు ఆలోచనలు ఆదర్శాలు నేటి తరానికి కాకుండా భవిష్యత్‌ తరాలకు కూడా స్ఫూర్తిదాయకమని యాదాద్రి భువనగిరి జిల్లా కలెక్టర్‌ అనితారామచంద్రన్‌ అన్నారు. బుధవారం భారతరత్న డాక్టర్‌ బీఆర్‌ అంబేద్కర్‌ 130వ జయంతి పురస్కరించుకొని కలెక్టర్‌ తన క్యాంపు కార్యాలయంలో ఆయన చిత్రపటానికి పూలమాల వేసి ఘనంగా నివాళులు అర్పించారు. నవభారత వికాసానికి బాటలు వేసిన దార్శనికుడు అన్నారు సర్వ సమానత్వానికి కషిచేసిన మానవతా వాది అని అంబేద్కర్‌ సేవలను కొనియాడారు. భారత సమాజానికి అత్యుత్తమమైన రాజ్యాంగాన్ని అందించిన మహనీయుడు అభివర్ణించారు. సమాజంలో వర్ణ వర్గ భేదాలు ఉండరాదని రాజ్యాంగాన్ని ప్రత్యేకంగా రూపొందించిన ఎందరికో ఆరాధ్యుడయ్యాడన్నారు. అణగారిన వర్గాలకు రాజ్యాంగంలో రిజర్వేషన్‌ సౌకర్యం కల్పించి వారి సామాజిక ఆర్థిక అభివద్ధికి బాటలు వేశారన్నారు. ఈ కార్యక్రమంలో అదనపు కలెక్టర్లు శ్రీనివాసరెడ్డి, ఖీమ్యా నాయక్‌, ఎస్సీ అభివద్ధి అధికారులు శ్యాంసుందర్‌, కలెక్టరేట్‌ పర్యవేక్షకులు నాగేశ్వర చారి, డీఆర్‌డీఓ ఉపేందర్‌ రెడ్డి పాల్గొన్నారు.
