- అదనపు కలెక్టర్‌ రాహుల్‌ శర్మ
నవతెలంగాణ -నకిరేకల్‌
నకిరేకల్‌ మున్సిపల్‌ నామినేషన్ల సందర్భంగా అధికారులు అప్రమత్తంగా వ్యవహరించాలని అదనపు కలెక్టర్‌ రాహుల్‌ శర్మ పేర్కొన్నారు. శుక్రవారం పట్టణంలోని జిల్లా పరిషత్‌ ఉన్నత పాఠశాలలో ఏర్పాటుచేసిన నామినేషన్ల స్వీకరణ కేంద్రాన్ని సందర్శించి పరిశీలించారు. ఈ కేంద్రంలో నామినేషన్‌ను స్వీకరించేందుకు 20 వార్డులకు గాను 8 కౌంటర్లు ఏర్పాటు చేసినట్టు తెలిపారు. తొమ్మిది మంది రిటర్నింగ్‌ అధికారులు, 11 మంది అసిస్టెంట్‌ రిటర్నింగ్‌ అధికారులు విధులు నిర్వహిస్తున్నట్లు తెలిపారు. రిజర్వు సిబ్బందిని నియమించినట్లు వివరించారు. ఆయన వెంట మున్సిపల్‌ కమిషనర్‌ ఎన్‌. బాలాజీ నకిరేకల్‌ సిఐ నాగరాజు ఉన్నారు.
మీ స్నేహితులకు రికమెండ్ చెయ్యండి
