నవతెలంగాణ -నకిరేకల్‌
పద్మశాలీల సంక్షేమం కోసం టీిఆర్‌ఎస్‌ ప్రభుత్వం కృషి చేస్తుందని స్థానిక ఎమ్మెల్యే చిరుమర్తి లింగయ్య అన్నారు. గురువారం స్థానిక మార్కండేయ స్వామి దేవాలయ ఆవరణలో అభయ మార్కండేయ కమ్యూనిటీ హాల్‌ నిర్మాణానికి శంకుస్థాపన చేశారు. ఈ సందర్భంగా ఆయన మాట్లాడుతూ కమ్యూనిటీ హాల్‌ నిర్మాణానికి రూ. 35 లక్షలు కేటాయించానని పేర్కొన్నారు. త్వరలో మరో రూ. 20 లక్షలు కేటాయిస్తానని హామీ ఇచ్చారు. పట్టణ పద్మశాలి సంఘం అధ్యక్షుడు యలగందుల కష్ణ మూర్తి అధ్యక్షతన నిర్వహించిన ఈ కార్యక్రమంలో మున్సిపల్‌ చైర్మెన్‌ రాచకొండ శ్రీనివాస్‌ గౌడ్‌,పీఏసీఎస్‌ చైర్మెన్‌ పల్‌ రెడ్డి మహేందర్‌ రెడ్డి, మార్కెట్‌ కమిటీ చైర్మెన్‌ నడికుడి ఉమారాణి వెంకటేశ్వర్లు, నాయకులు మురారి శెట్టి కష్ణమూర్తి, పద్మశాలి సంఘం ప్రతినిధులు మూడు దొడ్ల కష్ణమూర్తి, తదితరులు పాల్గొన్నారు.
మీ స్నేహితులకు రికమెండ్ చెయ్యండి
