నవతెలంగాణ-పెన్‌పహాడ్‌
యువతులు అన్ని రంగాల్లోనూ తమ సత్తా చాటుతున్నారు. కష్టపడే తత్వం ఉంటే ఏదైనా సాధించొచ్చని నిరూపిస్తు న్నారు. మండల పరిధిలోని ఓ యువతి చదువుకుంటూనే వ్యవసాయ పనులు చేస్తూ తల్లిదండ్రులకు చేదోడువాదోడుగా ఉంటోంది. అనంతారం గ్రామానికి చెందిన మల్లిగిరెడ్డి వెంకట్‌రెడ్డి - లక్ష్మిల కుమార్తె మౌనిక సూర్యాపేటలోని ఆర్‌కేఎల్‌కే డిగ్రీ కళాశాలలో బీఎస్సీ చివరి సంవత్సరం చదువుతోంది. చదువుతూనే తండ్రి చేస్తున్న వ్యవసాయంలో తాను సహాయ పడాలనే ఉద్దేశంతో ట్రాక్టర్‌ నడపడం నేర్చుకుంది. ట్రాక్టర్‌ సాయంతో పొలం దున్నుతూ తండ్రికి చేదోడువాదోడుగా నిలుస్తోంది.
మీ స్నేహితులకు రికమెండ్ చెయ్యండి
