దేవరకొండ :ఈ నెల ఒకటిన మధ్యాహ్నం సుమారు 12 గంటల మయంలో కల్వకుర్తి-మల్లేపల్లి హైవేపై అనుమతుల్లేకుండా ధర్నా నిర్వహించి ప్రజా రవాణాకు తీవ్ర అంతరాయం కల్గించిన సుమారు 20 మందిపై ఫొటో, వీడియో ఆధారంగా క్రిమినల్‌ కేసు నమోదు చేసి దర్యాప్తు చేస్తున్నట్టు సీఐ బీసన్న తెలిపారు. కల్వకుర్తి-మల్లేపల్లి నేషనల్‌ హైవే -167పై ఎలాంటి ధర్నాలు, రాస్తారోకోలకు అనుమతులు లేవని, దీనిని ప్రజలు అందరు గమనించాలన్నారు.అకారణంగా, ఎలాంటి ముందస్తు సమాచారం లేకుండా ధర్నాలు నిర్వహించడం వలన సామాన్య ప్రజానీకానికి, అంబులెన్సు, ఫైర్‌ లాంటి అత్యవసర సేవలకు తీవ్ర ఇబ్బంది ఏర్పడుతుందన్నారు.
మీ స్నేహితులకు రికమెండ్ చెయ్యండి
