అ కలెక్టర్‌ పమేలా సత్పతి
నవతెలంగాణ- భువనగిరిరూరల్‌
జిల్లాలోని అన్ని గ్రామాలు, మున్సిపల్‌ వార్డుల్లోనూ ఆశా, ఏఎన్‌ఎం, పంచాయతీ, మున్సిపల్‌ అధికారులతో కూడిన టీంలు ఇంటింటి ఆరోగ్య సర్వే శుక్రవారం నుంచి చేపట్టాలని జిల్లా కలెక్టర్‌ పమేలా సత్పతి జిల్లా వైద్య ఆరోగ్య అధికారి డాక్టర్‌ సాంబశివరావు, జిల్లా పంచాయతీ అధికారి సునంద, మున్సిపల్‌ కమిషనర్లను ఆదేశించారు. గురువారం కలెక్టరేట్‌ కార్యాలయంలో రేపటి నుండి చేపట్టబోయే ఇంటింటి ఆరోగ్య సర్వేను ఆమె సమీక్షించారు. ప్రతి ఇల్లు సర్వే చేయాలని, కుటుంబంలోని అందరి ఆరోగ్య పరిస్థితి పరీక్షించాలని, వ్యాక్సినేషన్‌ తీసుకున్నది, లేనిది వివరాలను నమోదు చేయాలని సూచించారు. లక్షణాలు ఉన్నవారికి హోం ఐసోలేషన్‌ కిట్స్‌ అందించాలని, మందులు వేసుకునే విధానం వివరంగా తెలపాలని, అవసరమైతే ఆస్పత్రికి తరలించి వైద్యం అందించాలని తెలిపారు. అన్ని ఆస్పత్రుల్లోనూ కోవిడ్‌ ఓపీ. సేవలు ప్రారంభించాలని, కోవిడ్‌ కేర్‌ సెంటర్‌, ఐసొలేషన్‌ వార్డులను ఏర్పాటు చేయాలని ఆదేశించారు. కాల్‌ సెంటర్‌ ఏర్పాటు చేసి సర్వేలో లక్షణాలు ఉన్న వారికి ప్రతిరోజు ఫోన్‌ చేసి వారి ఆరోగ్య పరిస్థితిని కొనుక్కోవాలని, మందులు వేసుకునే విధానాన్ని వివరించాలని తెలిపారు. ఫ్రంట్‌ లైన్‌ వర్కర్స్‌ సంబంధించి ప్రతి ఒక్కరూ బూస్టర్‌ డోస్‌ తీసుకునేలా క్షేత్రస్థాయిలో చర్యలు తీసుకోవాలని ఆదేశించారు. ఈ కార్యక్రమంలో జిల్లా స్థానిక సంస్థల అడిషనల్‌ కలెక్టర్‌ దీపక్‌ తివారి, జిల్లా ఏరియా ఆసుపత్రి సూపరింటెండెంట్‌ డాక్టర్‌ చిన్నా నాయక్‌, జిల్లా గ్రామీణ అభివద్ధి అధికారి ఉపేందర్‌ రెడ్డి, అధికారులు పాల్గొన్నారు.
