- ఉపాధ్యాయ ఎమ్మెల్సీ అలుగుబెల్లి నర్సిరెడ్డి
నవతెలంగాణ-కోదాడరూరల్‌
డివిజన్‌లో యూటీఎఫ్‌ ఉద్యమనిర్మాణంలో ఈదరసత్యనారాయణ సేవలు చిరస్మరణీయమని ఉపాధ్యాయ ఎమ్మెల్సీ అలుగుబెల్లి నర్సిరెడ్డి, ఆర్ధికసామాజిక విశ్లేషకులు డాక్టర్‌ అందెసత్యం అన్నారు.సోమవారం పట్టణంలో పబ్లిక్‌క్లబ్‌ ఆడిటోరియంలో టీఎస్‌యూటీఎఫ్‌ కోదాడ డివిజన్‌, తెలంగాణ ఆల్‌ పెన్షనర్స్‌, రిటైర్డ్‌పర్సన్స్‌ అసోసియేషన్‌ల ఆధ్వర్యంలో నిర్వహించిన యూటీఎఫ్‌ పూర్వ కార్యదర్శి ఈదర సత్యనారాయణ సంతాప సభలో వారు ప్రధాన వక్తలుగా పాల్గొని మాట్లాడారు.కోదాడ డివిజన్‌లో యూటీఎఫ్‌ ఉద్యమ నిర్మాణంలో ఈదర సేవలు చిరస్మరనీ యమన్నారు. ఉపాధ్యాయునిగా విద్యారంగంలో, వైఖరులతో జనవిజ్ఞానవేదికలో,సామ్యవాద భావజాలంతో ఐక్య ఉపాధ్యాయ ఫెడరేషన్‌లో సత్యనారాయణ కృషిని స్మరించారు.నాలుగు దశాబ్దాలుగా ఐక్య ఉపాధ్యాయ ఫెడరేషన్‌లో ఉపాధ్యాయ సమస్యలపై జరిగిన పోరాటాల్లో ఈదర భాగస్వామ్యం మరువలేనిన్నారు.ఈ సందర్భంగా పలువురు ఉపాధ్యాయ సంఘాల నాయకులు ఈదరతో తమకున్న అనుబంధాన్ని పంచుకొని ఆవేదన వ్యక్తం చేశారు.ఈ కార్యక్రమంలో తెలంగాణా పౌరస్పందన వేదిక రాష్ట్ర ఉపాధ్యక్షులు కెేఏ.మంగ,టీఏపీఆర్‌ఏ జనరల్‌ సెక్రెటరీ సీతారాం, టీఎస్‌యూటీఎఫ్‌ రాష్ట్ర కార్యదర్శి రాజశేఖర్‌రెడ్డి, జిల్లా అధ్యక్షులు సోమయ్య,జిల్లా ప్రధాన కార్యదర్శి అనీల్‌ కుమార్‌, జిల్లా ఉపాధ్యక్షుడు శ్రీనివాస్‌రెడ్డి, జిల్లా కార్యదర్శి నాగేశ్వరరావు,టీపీటీఎఫ్‌ జిల్లా ప్రధాన కార్యదర్శి సీహెచ్‌.భిక్షం.సైదులు, వెంకటయ్య, ముత్తవరపు రామారావు,జనార్దన్‌, జేవీవీ నాయకులు చందా శ్రీనివాసరావు పాల్గొన్నారు.
