నవతెలంగాణ-తిరుమలగిరి
మండలకేంద్రంలో మంగళవారం టీఎస్‌యూటీఎఫ్‌ మండల శాఖ,నాగారం మండల శాఖ ఆధ్వర్యంలో ఆత్మీయ సమ్మేళనం నిర్వహించారు.ఈ సందర్భంగా తిరుమలగిరి మండల శాఖ అధ్యక్షులు చల్లగుండ్ల సోమయ్య మాట్లాడుతూ ఈ వేసవి సెలవులలో ఉపాధ్యాయులకు ప్రమోషన్లతో కూడిన బదిలీలను చేపట్టాలని కోరారు.పెండింగ్‌లో ఉన్న డీఏ బకాయిలు, పీఆర్సీ బకాయిలను విడుదల చేయాలని డిమాండ్‌ చేశారు.మోడల్‌ స్కూల్‌ ఉపాధ్యాయులకు బదిలీలు చేపట్టాలని, హెల్త్‌కార్డులు మంజూరు చేయాలని, సర్వీస్‌ రూల్స్‌ ప్రకటించాలని కోరారు.అదేవిధంగా కేజీబీవీ పాఠశాలలో దీర్ఘకాలంగా పనిచేయుచున్న ఉపాధ్యాయులకు బదిలీలు చేపట్టాలని కోరారు. కేజీబీవీ పాఠశాలలో మౌలిక వసతులను పూర్తి చేయాలని కోరారు. ఈ సమావేశంలో ఆ సంఘం జిల్లా కార్యదర్శి సున్నపోజు సోమయ్య, నాగారం మండల శాఖ అధ్యక్షులు ఆర్‌.యాదయ్య, తిరుమలగిరి మండల శాఖ ప్రధానకార్యదర్శి వీఎల్‌ఎన్‌ చార్యులు, నాగారం మండల శాఖ ప్రధానకార్యదర్శి బొజ్జ నాగయ్య, తెలంగాణ మోడల్‌స్కూల్‌ ప్రిన్సిపాల్‌ వేముల బాలరాజు, సీనియర్‌ నాయకులు సంజీవ్‌కుమార్‌, పి.నాగేశ్వరరావు, సీనియర్‌ నాయకులు బి.నర్సయ్య, డి.రాంరెడ్డి, కృష్ణమూర్తి, బొజ్జ అంజయ్య, కాటివెంకటయ్య, ఎస్‌.వెంకట్‌రెడ్డి, వీరునాయక్‌, మహేష్‌, ఆర్‌.శ్రీనివాస్‌,ఎస్‌కె.రహీం, రవిబాబు,హుస్సేన్‌, ఉపేందర్‌, సంతోష్‌కుమార్‌ తదితరులు పాల్గొన్నారు.
